كويس فارسي ، ساهل ماهل و البنة اكيد حاضرة 😋😍👍

اليكم طريقة تحضيرطبق رئيسي من كويس فارسي ، سهل و لذيذ مقدم من أم وليد .

المقادير

- 4 أفخاذ الدجاج

-  زيت 

- زبدة

- غرفية صغيرة أرز

- فلفل أسود

- توابل الدجاج

- كركم 

- 2 أعواد قرنفل

- ملح 

التتبيلة :

- علبة صغيرة ياوورت طبيعي

- 3 فصات ثوم

- فلفل أسود 

- توابل الدجاج 

- م.ص عكري حلو

- كركم 

- م.ص صلصة الخردل (موطارد)

- ربع كأس زيت

- ملح

مقادير أخرى :

- الخيط الغذائي

- جبن فرماجة

- بصلة واحدة

- زيتون أخضر

طريقة التحضير

- نغسل فخد الدجاج و نشفو مليح ثم نحيلو العظم , و نقطعو حتى ينفتح اللحم على الطاولة و ما يبقاش هبرات , و نخلي العظام على جهة .

- ندير عليه كيس بلاستيكي من فوق على جهة الجلدة , و نخبط فيه غير بالعقل من فوق باش يتمدد مليح , و نكمل الفخذ الأخر بنفس الطريقة .

- في كاسرونة نضع القليل من الزيت مع القليل من الزبدة مع غرفية صغيرة روز مع الفلفل الأسود و نضيف توابل الدجاج و القليل من الكركم و 2 أعواد قرنفل و رشة ملح و نقلب فيه حتى يتقلى مليح .

- نضيف كأسين من الماء (ماشي معمرين)  غير يبدا يغلي نقصلو و نغلق الكاسرونة و نخلي الروز يشرب مليح .

- بالنسبة للتتبيلة نضع في الصحن علبة الياوورت الطبيعي مع ثلاث فصات ثوم مبشورة مع الفلفل الأسود مع توابل الدجاج مع ملعقة صغيرة عكري حلو مع القليل من الكركم مع ملعقة صغيرة صلصة الخردل (موطارد) و نخلط جيدا , ثم نضيف ربع كأس زيت و رشة ملح.

- نحط أفخاذ الدجاج التي أعددناها في صحن التتبيلة , و نتبلهم من فوق و من تحت , و نغطيهم بكيس بلاستيكي باش يشربو .

- نضع أربعة خيوط غذائية على صحن أخر فارغ , الخيط الرابع يكون شاد الخيوط الثالثة في الوسط بعقدة باش ما ينفتحوش , تكون الخيوط في الصحن مثل بيت عنكبوت 

- نبسط عليها فخد الدجاج المتبل , و في وسطه كمية الأرز التي أعددناها  , ثم كمية من جبن فرماجة , و نغلق الدجاج , ثم نربطه بالخيوط , و نخدم بقية الكمية بنفس الطريقة .

- نضع الأفخاد في مول الفرن , و التتبيلة لي بقات نزيد نحطها على وجه الأفخاذ الأربعة و نكب اشوية ماء في المول , و نغطيهم بالألمنيوم و ندخلهم للفرن على 200 درجة , يطيب لمدة 45 دقيقة .

- من أجل اعداد الصوص نحط في كاسرونة بها زيت العظام اللي ابقاتلي مع بصلة مقطعة لشرائح مع فلفل أسود و توابل الدجاج و رشة ملح مع حبيبات الزيتون اللي غسلتو و بدلتلو الماء عدة مرات و نخلط جيدا حتى يتقلاو مليح , ثم نمرغ بالماء الساخن و نخيله حتى يطيب .

- لما تطيب أفخاد الدجاج نحي الخيوط و نضعها في صحن التقديم , مع الزيتون اللي طيبتو .

شهيتكم طيبة