معسلات خفيفة و مقرمشة و شحال ساهلة في الخدمة 👌 تحفة 😋😍👍

اليكم طريقة تحضير معسلات خفيفة و مقرمشة و شحال ساهلة في الخدمة مقدمة من أم وليد .

المقادير

العجينة :

- 2 بيضات

- م.ص لافاني

- م.ك سكر

- ملح

- 2 م.ك زيت

- 2 م.ك ماء الزهر

- فرينة

- 2 م.ص خميرة الحلوى

التزيين :

- العسيلة

- جلجلان

طريقة التحضير

- في صحن نضع 2 بيضات مع ملعقة صغيرة لافاني مع ملعقة كبيرة سكر و رشة ملح , مع 2 م.ك زيت و 2 م.ك ماء الزهر و نخلط جيدا.

- نضيف كمية من الفرينة مع 2 ملاعق صغيرة خميرة الحلوى و نبدا نخلط باليد حتى تتجانس العجينة , و نضعها ترتاح في كيس بلاستيكي لمدة 30 دقيقة على الأقل .

- نرش مايزينة على الطاولة , ثم نقسم العجينة لقسمين

- ثم نضع اشوية مايزينة على  العجينة ونفتحها بالحلاب (اللوح الخشبي) حتى تصبح رقيقة .

- نقطعها لدوائر باستخدام الكأس .

- نضع كمية من الزيت تسخن على المقلاة و نرمي قطع الحلوى تنقلى و تحمر

- لما نخرجها مباشرة نضع عليها العسيلة و نزينهم برشة من الجلجلان, و نضعهم في صحن التقديم 

شهيتكم طيبة