اليكم طريقة تحضير وصفة للفلفل محشي ، خفيفة و بزاف بنينة باش نبدلو في أطباقنا اليومية مقدمة من أم وليد .
المقادير
صلصة الطماطم :
- 2 فصات ثوم
- م.ك طماطم مصبرة
- حبتي طماطم
- معدنوس
- فلفل أسود
- فلفل عكري حلو
- زيت
- ملح
الحشو :
- بصلة واحدة
- لحم مرحي
- فلفل أسود
- ملح
- كمية أرز طايب
- 2 بيض
مقادير أخرى :
- 5 حبات فلفل أخضر
- بطاطا مقلية مربعات صغيرة
طريقة التحضير
- لاعداد صلصة الطماطم , نضع المقلاة على النار و نضع بها اشوية زيت مع زوج فصات ثوم مكرفجة مع ملعقة كبيرة طماطم مصبرة و نخلط .
- نضيف حبتين طماطم مكرفجة , ثم نضيف القليل من المعدنوس المقطع .
- نضيف الفلفل الأسود مع ملعقة صغيرة فلفل عكري حلو مع رشة ملح و نخلط جيدا
- بعدما تقلات مليح , نضيف كأس ماء ساخن و نغطيها و نخليها تتجمر .
- لاعداد الحشو في مقلاة أخرى, نضع بصلة واحدة مقطعة لشرائح و نخليها تتقلى مليح في الزيت
- لما يتقلى نخلط معها كمية من اللحم المرحي , و نضيف الفلفل الأسود مع رشة ملح , حتى يطيب اشوية نطفي عليه (متخليهش اللحم المرحي ينشف) .
- نحكم حبات الفلفل الأخضر و نحي الراس ديالها , و نفرغها من الداخل جيدا , ثم نأخذ كل حبة و نضع فيها رشة ملح
- نخلط جيدا كمية اللحم المرحي الذي أعددناه سابقا مع الأرز اللي طيبناه في الماء و الملح , و نضيف اليه المعدنوس و 2 بيضات
- نحشو حبات الفلفل بخليط اللحم المرحي الى الفم
- نقلي في الزيت حبات الفلفل واقفة في المقلاة ,حتى يتغلق اللحم المرحي و ما يتفتحش .
- كي يتغلق نقلبوه و نقلو الحبات بشكل عادي , و نقلبهم حتى يتحمرو من كل الجهات
- لما نخرجوه و يرتاح اشوية نقشروه من فوق .
- نرجع الى مقلاة صلصة الطماطم التي على نار هادئة , و نضع فيها حبات الفلفل باش تشرب لمدة 10 دقائق .
- نضع حبات الفلفل في وسط صحن التقديم و نضيف على أطرافها البطاطا المقلية لمربعات صغيرة .
شهيتكم طيبة
إرسال تعليق