اليكم طريقة تحضير حلوة بحشو كرانشي بنين😋 و غلاصاج تحفة مقدمة من أم وليد .
المقادير
العجينة :
250 غ زبدة
2 م.ك سكر رطب
2 م.ك حلوة الترك
2 م.ك جلجلان محمص و مطحون
2 بيضات
لافاني
خميرة الحلوى
الحشو (الكريمة) :
125غ زبدة
كرانشي (ذوق بوينو أو شكلاطة)
م.ك حلوة الترك
الغلاصاج :
250 غ شكلاطة بيضاء
50 غ شكلاطة بالحلبيب
زيت
التزيين :
كاكاو بني (مطحون)
ملون ناكري (ذهبي)
طريقة التحضير
- لاعداد العجينة نخلط المكونات الأساسية من نصف رطل زبدة مع 2 ملاعق كبيرة سكر رطب و 2 ملاعق كبيرة حلوة الترك و 2 ملاعق كبيرة جلجلان محمص و مطحون مع 2 بيضات و ملعقة صغيرة لافاني و ملعقة صغيرة خميرة الحلوى.
- نضيف الفرينة و ملعقة صغيرة خميرة الحلوى , ثم نبقى نضيف الفرينة تدريجيا و نلم فيها حتى تصبح العجيبة متجانسة .
- نبسط العجينة بالحلاب على الطاولة باستخدام كيس بلاستيكي كالعادة .
- نطبع قطع الحلوى باستخدام "طابع القلب" أو أي طابع تملكينه .
- نضعهم على صينية بها ورق الطبخ , و ندخلهم في فرن 180 درجة .
- لاعداد كريمة الحشو , نخلط جيدا 125 غ زبدة مع 2 ملاعق كبيرة كرانشي (ذوق بوينو) , مع ملعقة كبيرة حلوة الترك بالخلاط الكهربائي , و نضعها في كيس بلاستيكي مثقوب Poche .
- لما بردت الحلوى , و باستخدام Poche نلصق كل قطعة مع أختها بالكريمة في الوسط .
- في حمام مائي نذوب 250 غ شكلاطة بيضاء مع 50 غ شكلاطة حليب , بعدما ذابت نخلط معها 2 ملاعق كبيرة زيت .
- نغلاصي كل قطع الحلوى بالشكلاطة الذائبة
- مباشرة باستخدام صفاية نرش القليل من الكاكاو البني فوق قطع الحلوى , و نتركها تنشف مليح .
بالصحة و الهناء
إرسال تعليق