حلوة السنيوة ، اقتصادية و تقطع 👌مع مقادير مضبوطة و سهلة التحضير و بنينة 😋😋

اليكم طريقة حلوة السنيوة ، اقتصادية و تقطع مع مقادير مضبوطة و سهلة التحضير و بنينة مقدمة من أم وليد .

المقادير

العجينة: 

4 حبات بيض

3/4 كاس سكر عادي

2 ملاعق كبيرة معجون المشمش

1 ملعقة كبيرة فانليا

2 كيس خميرة كيماوية

1 كاس زيت

3 كؤوس فرينة

التزيين: 

200 غ شوكولاطة الحليب

جنجلان محمص

طريقة التحضير

في اناء نضع البيض، السكر،الفانليا و نخلطهم جيدا حتى ينساجموا ثم نضيف معجون المشمش و نخلط ، نضيف الزيت و نخلط ؛



بعد ذلك نضيف الكاس الاول من الفرينة و الخميرة الكيماوية و نضيف الكاس الثاني من الفرينة و نخلطهم جيدا بالملعقة حتى ينساجموا و نضيف الكاس الثالث من الفرينة و نخلط جيدا دائما بالملعقة حتى نتحصل على عجينة ثقيلة؛



ناخذ مول قطره 40 * 30 سم و نضع فيه ورق الطهي ثم نسكب فيه العجينة و نسوي الوجه باليد بعد ما نكون وضعت فيها كمية من الزيت؛

ندخل السنية الى فرن مسخن من قبل على 180 درجة حتى تطهى و تاخذ اللون الاحمر ، لما تجهز الحلوى نتركها تبرد و في نفس الوقت ناخذ شوكولاطة الحليب نذوبها في حمام مائي و نضيف لها ملعقة زيت و نخلطها جيدا؛



نفرغ الشوكولاطة على الوجه و نسويها ثم نرش كمية من الجنجلان المحمص و نتركها حتى تجف ؛


 

 نقطعها حسب الذوق اما مربعات او مستطيلات و نقدمها؛



بالصحة و الهنا