اسهل و ابنن طريقة لتحضير قرنون محشي ، بنص صدر دجاج و نتي وجدتيه 😋😍👍

اليوم جيتكم بالقرنون محشي و بطريقة سهلة و خفيفة و بنصف صدر دجاج فقط مقدم من أم وليد .

المقادير

- نصف صدر دجاج

- بصلة

- معدنوس

- جلبانة

- توابل الدجاج 

- فلفل أسود

- قصبر يابس و مطحون

-ملح

- م.ك جبن طري

- 4 حبات قرنون

- حبة ليمون 

- جبن مبشور 

طريقة التحضير

- في طنيجرة نضع نصف صدر الدجاج  يتقلى , ثم نضيف اليه بصلة مقطعة لشرائح و القليل من المعدنوس

- نضيف اليها كمية من الجلبانة

- نضيف اليها توابل الدجاج و فلفل أسود و الملح و  اشوية قصبر بابس و مطحون

- لما يطيب البصل مليح نمرق بالماء الساخن

- نقي القرنون بشكل جيد بموس يكون مليح مع حبة قارص .

- لما تطيب المرميطة نحي فقط صدر الدجاج , و نضيف اليها 4 حبات قرنون , و نغطي عليها و نخليها تطيب .

- نجبد حبات القرنون و نتركها تتصفى في الصحن .

- في صحن أخر نفتت صدر الدجاج الطايب بالمقص الى قطع صغيرة  , و نضيف اليه ملعقة كبيرة فرماج طري مع القليل من صوص الدجاج و نخلطو باليد مليح , ثم نعمر بيهم حبات القرنون من فوق 

- في بلاطو يدخل للفرن نفرغ  مرق الدجاج و الجلبانة و نضع فوقهم حبات القرنون .

- نزين حبات القرنون من فوق بالفرماج المبشور (Rapi)

- نشعل الفرن من فوق و من تحت و ندخلهم يتحمرو مليح

شهيتكم طيبة