اليكم طريقة تحضير سيقار بالشوكولا محشي كرمال تحفة من أجل حلويات العيد مقدم من أم وليد
المقادير
125 غ زبدة (مارغارين)
سكر رطب
بيضة
لافاني
الحشو :
كاوكاو مطحون (الفول السوداني)
بسكويت مطحون
كراميل
التزيين :
علبة شكلاطة كبيرة
شكلاطة بيضاء
حليب
معجون عسل
طريقة التحضير
- في اناء نخلط 125 غرام زبدة مع 2 ملاعق كبيرة سكر رطب مع بيضة كاملة مع ملعقة صغيرة لافاني
- ثم نبقى نضيف الفرينة و نلمها بأصابع اليد حتى تلتم العجينة و لا تلتصق.
- نضع بلاستيك غذائي على الطاولة و نضع وسطه العجينة و نعجنها من فوق البلاستيك حتى تنفتح بشكل طولي و تصبح بسمك رقيق , و يكون عرضها هو طول مول السيقار الذي سنستخدمه .
- ننزع الأطراف الزائدة من اليمين و اليسار بسكين
- باستخدام البلاستيك نلوي العجينة بدورة و نصف على مول السيقار و نقطعها .
- نحكم مول السيقار و نزيد نلويه على الطاولة حتى يكون متجانس , و الزيادة خارج المول نقطعها حتى يتنحى فيما بعد بسهولة .
- نواصل بنفس الطريقة لاكمال كامل الكمية و نضعهم في صينية بها ورق الطبخ , و نضعهم يطيبو على فرن 180 درجة .
- ننتظر حتى يبردو جيدا , و ننزع القطع من المول
- من أجل الحشو نخلط جيدا كمية من الكاوكاو المطحون مع البسكويت المطحون مع كمية من الكراميل السائلة .
- نضع خليط الكراميل في كيس بلاستيكي مثقوب و نحشو به قطع السيقار ولا نترك الفراغات في الأطراف .
- من أجل الغلاصاج نقطع حبات الشكلاطة الى قطع صغيرة و نضعها تذوب على حمام مائي , لما نراها ذابت اشوية نساعدها بملعقة كبيرة من الزيت و نخلط جيدا .
- نأخذ كل حبة سيقار و نقلاصيها بالشكلاطة السائلة السوداء
- من أجل لمسة تزيينية نغلف كل حبة بترانسفار "عيد مبارك" و نحكمو ب"لاستيك الأطفال" من الجهتين .
- قطع أخرى نقلاصيها بشكلاطة بيضاء و نعملها بنفس الطريقة .
- نذخلهم للثلاجة ينشفو , و نخرجهم , و نقوم بازالة الترانسفير "عيد مبارك" حتى نتحصل على شكله في قطعة السيقار .
- بالفرشاة نذهنهم بمعجون على الطرفين و نرمدهم في الكاوكاو و نضعها على غلاف التقديم .
شهية طيبة
إرسال تعليق