افخاذ الدجاج بطريقة مبتكرة👌 و بنتهم بنة ميتشبعوش 😋

اليكم طريقة تحضير افخاذ الدجاج بطريقة مبتكرة و بنتهم بنة ميتشبعوش مقدمة من أم وليد .

المقادير

4 افخاد دجاج ، 2 فصوص ثوم ، ماء ساخن ، 2 حبات بطاطا ، معدنوس مقطع رقيق، جبن مبشور، ملح ،فلفل اسود ،كركم، زنجبيل،فرينة، بيضة،شابلور(جبز يابس مطحون)؛

طريقة التحضير

ناخذ الافخاذ نغسلها و ننزع لها الجلد ثم نضعها في مقلاة ونضيف لها قليل من الزيت و نفليهم قليلا ؛

ثم نضيف لهم فصوص ثوم مقطعين دوائر، زنجبيل،فلفل اسود،كركم، ملح و نقليهم جيدا مع بعض ثم نضيف الماء الساخن حتى يتغطوا ونغطى القدر و نتركهم حتى يطيبوا جيدا؛

ناخذ البطاطا نقشرها و نقطعها الى قطع و نضعها في الماء تغلى حتى تطيب و هي ساخنة ننزعها و نضيف لها قليل من الملح و نهرسها؛

لما يطيب الدجاج نصفيه من المرق و ننزع له العظام و نحتفظ بها على جنب و نقطع اللحم الى قطع صغيرة جدا؛

نضيف الدجاج الى البطاطا المهروسة و نضيف لهم معدنوس مقطع رقيق ، جبن مبشور و نخلطهم مع بعض حتى ينساجموا جيدا ؛

ندهن اليد بالزيت و ناخذ كمية من الخليط و نبسطها ثم نضع في وسطها عظم الدجاج ؛

و نشكلها على شكل فخذ ثم نرمدها في الفرينة و نغطسها في البيض ثم نرمدها في الشابلور؛

نضعها مباشرة في زيت ساخنة و نقلبها على كل الجوانب حتى تاخذ اللون الاحمر و نقدمها؛

بالصحة و الهنا