ميني تارت مالحة بموس الدجاج تحفة خفيفة و بنينة😋 و اكيد سهلة

اليكم طريقة تحضير ميني تارت مالحة بموس الدجاج تحفة خفيفة و بنينة و اكيد سهلة مقدمة من أم وليد .

المقادير

125 غ مارغارين (زبدة)

بيضة واحدة

فرينة 

خميرة الحلوى

ملح

الحشو :

نصف صدر دجاج طايب في الماء و الملح و الفلفل الأسود

5 قطع جبن

كرام فراش أو حليب

طريقة التحضير

- نخلط جيدا المارغارين مع البيضة و القليل من الملح

- نضيف كمية من الفرينة و ملعقة صغيرة خميرة الحلوى و نعجنها و نبقى نضيف كل مرة الفرينة حتى تنسجم و لا تلتصق في اليد .

- أستخدمي المول الحلزوني مثل الصدفة أو مربع أو أي مول صغير تملكينه لتشكيل القطع بالعجينة.

- نواصل بنفس الطريقة في تشكيل القطع عبر المول حتى نكمل كامل العجينة 

- نثقبهم قليلا بفرشيطة , و نقوم باذخالهم الى الفرن على 180 درجة حتى يحمرو .

- نضع في مرحاة كهربائية نصف صدر الدجاج (طيبناه سابقا في الماء و الملح و الفلفل الأسود) , و نضيف اليها 5 قطع جبن و كمية من الكرام فراش أو الحليب و نرحي الخليط

- نضع خليط كريمة الدجاج في كيس بلاستيكي مثقوب من تحت (Poche), و نحشو كل قطعة من فوق .

- نزين كل قطعة بورقة معدنوس و حبة زيتون و نقدمهم على صحن التقديم

شهية طيبة