تحلية على السريع بكريمة الليمون🍋 و كريمة الفاني ، خفة و بنة 😋

اليكم طريقة تحضير تحلية على السريع بكريمة الليمون و كريمة الفاني ، خفة و بنة مقدمة من أم وليد .

المقادير

الكيكة: 

1 بيضة كاملة، 5 ملاعق كبيرة سكر عادي ،1 ملعقة صغيرة فانليا، 5 ملاعق كبيرة حليب، 5 ملاعق كبيرة زيت، 5 ملاعق كبيرة فرينة، 1 كيس خميرة كيماوية وزن 10غ؛

الكريمة البيضاء: 

1/2 لتر حليب، 4 ملاعق كبيرة سكر عادي ، 2 ملاعق كبيرة نشا(مايزينة)، 1 ملعقة صغيرة فانليا، 2 ملاعق كبيرة بودرة الشونتى؛

كريمة الليمون: 

1/2 كاس عصير ليمون، 1/2 كاس ماء، 1 ملعقة كبيرة نشا(مايزينة)، 4 ملاعق كبيرة سكر عادي، 1 بيضة كاملة،عطر الليمون الاصفر؛

طريقة التحضير

الكيكة:في اناء نضع البيضة الكاملة، السكر، الفانليا و نخلطهم جيدا ثم نضيف الحليب و نخلط حتى يذوب السكر نضيف الزيت و نخلط، نضيف الفرينة ، الخميرة الكيماوية و نخلطهم حتى ينساجموا مع بعض و نتحصل على خليط رطب؛

ناخذ مول دائري قطره 26 سم ندهنه بالزبدة و نرشة بالفرينة ثم نسكب فيه الخليط ندخله الى فرن مسخن من قبل على 180 درجة حتى تطيب و لما ندخل فيه السكين يخرج جاف نطفىء عليه و نتركه يبرد؛

الكريمة البيضاء: في اناء نضع الحليب ، السكر العادي ، النشا و نخلطهم مع بعض ثم نضعه فوق النار مع التخليط المستمر حتى يبدا يثقال و اول ما يبدا يغلى نطفىء عليه ، و نضيف له الفانليا و نخلطها جيدا؛

كريمة الليمون: في اناء نضع عصير الليمون، الماء،السكر العادي ، النشا ، البيضة الكاملة و نخلطهم حتى ينساجموا ثم نضعها فوق النار مع التخليط المستمر حتى تبدا تثقال و اول ما تبدا تغلى نطفىء عليها و نضيف لها عطر الليمون الاصفر و نخلطها جيدا ؛

ثم نسكبها في صحن زجاجي و نغطيها ببلاستيك غذائي يلامس السطح و ندخلها للثلاجة حتى تبرد؛

ناخذ الكريمة البيضاء بعد ما تبرد نضيف لها بودرة الشونتى و نخلطها جيدا بالخلاط الكهربائي حتى تصبح خفيفة ، ننقص كمية صغيرة و نتركها على جنب للتزين؛

نضع الكريمة البيضاء فوق سطح الكيكة نسويها جيدا ثم نضع فوقها كريمة الليمون كطبقة ثانية و نسويها؛

نضع الكمية المتبقية من الكريمة البيضاء في كيس حلوانى و نزين بها على شكل خطوط افقية و عمودية ثم نضع كمية من المكسرات في الطرف ، التزين يبقى اختياري؛

ندخلها للثلاجة حتى تبرد ثم نقسمها و نقدمها؛

بالصحة و الهنا