فخارة اللحم التركية😉 بطريقة بسيطة و سريعة و البنة ياسلامممممم بنينة 😋

اليكم طريقة تحضير فخارة اللحم التركية بطريقة بسيطة و سريعة و البنة يا سلام مقدمة من أم وليد .

المقادير

العجينة: 

1 كاس فرينة،1 ملعقة صغيرة خميرة الخبز، 1 ملعقة صغيرة سكر عادي، رشة ملح، 1 ملعقة كبيرة زيت،ماء دافىء

الحشو: 

2 حبات بطاطا،1 حبة بصل، زيت،لحم مفروم،ملح ، فلفل اسود،معدنوس، 1 ملعقة كبيرة جبن

طبقة الجبن: 

2 ملاعق كبيرة جبن طري، 1/2 كاس حليب

طريقة التحضير

في اناء نضع الفرينة، خميرة الخبز، السكر العادي، رشة الملح و نخلطهم مع بعض ثم نضيق الزبت و نخلط ونلمها بالماء الدافىء حتى نتحصل على عجينة طرية ، ندلكها قليلا ثم نغطيها و نتركها ترتاح؛

ناخذ البطاطا نقطعها مربعات و نضعها في الماء و نتركها فوق النار حتى تغلى و تطيب؛

في مقلاة نضع الزيت تسخن و نضيف لها البصل مقطع رقيق و نتركه حتى يدبل و نضيف اللحم المفروم،فلفل اسود،ملح،معدنوس و نخلط حتى يطيب اللحم و نطفىء؛

نصفي البطاطا و هي ساخنة نضيف لها الملح ، فلفل اسود و نهرسها ، ثم نضيف لها الجبن و نخلط؛

ناخذ مول فخار و ندهنه بالزبدة ثم نضع فيه البطاطا كطبقة اولى و نضع اللحم المفروم فوقها كطبقة ثانية؛

ناخذ كاس الخلاط و نضع فيه الجبن الحليب و نخلطهم مع بعض حتى نتحصل على كريمة؛

نسكب الخليط فوق اللحم المفروم ثم نضع كمية من الجبن المبشور؛

ناخذ العجينة و نقسمها الى قسمين و نفتحها بالحلال على شكل دائري و نغطي بها المول،نفس الشىء مع القطعة الثانية؛

وندهن السطح بيضة كاملة ، نضيف رشة من السانوج ثم ندخلها الى الفرن على 180 درجة حتى تطيب العجينة و تحمار و نخرجها و نقدمها؛

بالصحة و الهنا