اليكم طريقة تحضير مطلوع المقلة بطريقة سهلة و بالتفصيل مقدم من أم وليد .
المقادير
فرينة
سميد رطب
خميرة الخبز
ماء دافيء
ملح
زيت
طريقة التحضير
نخلط كمية سميد رطب + كمية انتاع فرينة + مغرف كبيرة خميرة الخبز + مغرف كبيرة سكر+ ملح نخلط ونبدا نزيد ماء دافئ حتى نتحصل على عجينة طرية .
مبعد ندلكها حوالي 5د و مبعد نبقا نزيد الماء وندخلوا مليح في كل مرة حتى نتحصل على عجينة تتلصق شوية ندهنها بالزيت ونحطها في كيس بلاستيكي و نزيد نغطيها بطرشونة ونخليها تخمر حتى يتضاعف حجمها حوالي 30 الى 45د .
مبعد نقسمها على اربع خبزات نكورهم ونرمدهم في السميد الرطب ونغطيهم نخليهم يرتاحو 5د
مبعد نرش الخبزة الأولى بالسميد و نحلها ماتكونش خشينة بزاف و نحلهم کامل و نحطهم في طرشونة نغطيهم ونخليهم يخمرو 15د
نطيبهم مباشرة في مقلة سخونة او طاجين مع تبدا تتنفخ نقلبها ونحمرها مليح من كامل الجيهات و نكمل البقية بنفس الطريقة.
شهية طيبة
إرسال تعليق