لوبيا عالسريع مع كسرة / بغرير اكسبرس / و سوب مع دجاج مقلي طري و بنين

عشاء خفيف ظريف من اعداد أم وليد اليكم المقادير .

المقادير

لوبيا سريعة
كسرة
بغرير اكسبراس
سوب
دجاج مقلي

طريقة التحضير

اللوبيا:

في كوكوت نضع اللوبيا منفخة مع الثوم مبشور و الزيت و الفلفل الاسود و راس الحانوت و 1/2 م ك طماطم مصبرة و نمرق بالماء ثم نضعهم فوق النار حتى يغلي، ثم نضيف الملح و نغلق الكوكوت حتى تطيب

و بعد ما تطيب نضيف لها الكمون

الكسرة:

نخلط جيدا 1 كغ سميد مع 1 م ص خميرة الخبز و 5غ خميرة كيميائية و 3/4 كأس زيت و الملح، ثم نجمع العجينة بالماء دافئ و ندلكها قليلا، ثم نقسمها الى 3 كرات و نغطيهم و نتركهم يرتاحوا 15 دقيقة



بعد ذلك نفتحها بالحلال ثم نطيبها مباشرة في مقلة سميكة او طاجين، و نثقبها بالشوكة و نقلبها من حين الى اخر حتى تحمر من الجهتين

البغرير:

نخلط 3 كأس سميد رقيق مع 2 م ك فرينة و 1 م ك خميرة الخبز و 1 م ك سكر و الملح، ثم نضيف 4 كأس ماء دافئ و نخلط قليلا بالملعقة ثم نستعمل le bras mixeur لمدة 5 الى 7 دقيقة



في الاخير نضيف 2 كيس خميرة كيميائية و نخلط، ثم نطيبهم مباشرة في مقلاة سميكة او طاجين، ثم عند التقديم نذوب الزبدة مع العسيلة و نسقي بهم البغرير

السوب و الدجاج:

السوب:

نقلي جيدا في قليل من الزيت قطع دجاج البصل و الجزر و البطاطا و الطماطم و الفلفل الاسود و راس الحانوت، ثم نضيف العدس الاحمر و الملح و الماء الساخن و نتركهم حتى يطيبوا

الدجاج المقلي:

نقطع اسكالوب الى قطع صغيرة، ثم نخلط كأس ماء مع كأس فرينة ثم نضيف الكاري و الفلفل الاسود و نخلط، ثم نضع اسكالوب و الملح و نتركهم لمدة 15 دقيقة


ننزع قطع الدجاج من السوب و نطحن كل شيء بالـ bras mixeur، ثم نقلي الاسكالوب في زيت ساخن على نار متوسطة حتى يطيب

بالصحة و الهنا