الفطير المشلتت المصري بطريقة و لا اسهل

طريقة بسيطة و سهلة للفطير المشلتت.

المقادير

4 كأس فرينة
1/2 م ص خميرة الخبز
1/2 م ص خميرة كيميائية
1 م ص سكر
2 م ك زيت
ملح

طريقة التحضير

نخلط الفرينة مع خميرة الخبز و الخميرة الكيميائية و السكر ثم نضيف الملح و الزيت و نخلط، ثم نضيف الماء دافئ (تدريجيا) و نخلط حتى نتحصل على عجينة طرية



ندلك العجينة حوالي دقيقتين، ثم ندهنها بقليل من الزيت و نغطيها و نتركها ترتاح 30 دقيقة، ثم نقسم العجينة الى جزئين و نقسم كل جزء الى كرة كبيرة و 6 كرات صغيرة و نضعهم في صينية مدهونة بالزيت



ندهن الكرات بالزيت و نغطيهم بكيس بلاستيكي و نتركهم يرتاحوا 15 دقيقة، بعد ذلك نخلط الزيت مع زبدة طرية، ثم نفتح اول كرة صغيرة و ندهنها بالزبدة و نفتح ثاني كرة و نضعها فوق الاولى و ندهنها بالزبدة



نواصل بنفس الطريقة حتى ننهي 6 كرات صغيرة، ثم نفتح الكرة الكبيرة و ندهنها بالزبدة في الوسط و نضع الكرات المفتوحين، و نقطع العجينة الكبيرة بالسكين ثم نغلق على الدوائر بسحب العجينة



نكرر نفس الخطوات مع باقي الكرات ثم نغطيهم و نتركهم يرتاحوا 10 دقائق، ثم نفتحها بالزيت و نطيبها في طاجين مرشوش بقليل من الزيت، و نقلبها من حين الى اخر حتى تطيب (و ندهنها بالزيت و الزبدة احيانا)

بالصحة و الهنا