جلبانة بوحد لخبيزات شحال بنان طريين من الداخل و خفاف 😋😍

اليكم طريقة تحضير الطبق الرئيسي جلبانة بوحد لخبيزات شحال بنان طريين من الداخل و خفاف مقدمة من أم وليد .

المقادير

الجلبانة :

- 2 أطراف الدجاج

- بصل مبشور

- حبة طماطم مبشورة (مكرفجة)

- معدنوس

- فلفل أسود

- توابل الدجاج

- قصبر يابس و مطحون

- جلبان

- ملح

- زيت

الخبيزات :

- نصف صدر دجاج

- نصف حبة بصل

- حبة بطاطا

- لاشابلور

طريقة التحضير

- في كاسرونة نقلي أطراف الدجاج مع بصل مبشور مع حبة طماطم مبشورة مع القليل من المعدنوس مقطع و نضيف رشة فلفل أسود و ملعقة كبيرة توابل الدجاج مع ملعقة من القصير اليابس المطحون , مع كمية من الجلبانة و القليل من الملح , و نمرق بالماء الساخن , و نخليهم يطيبو مليح و نطفي عليهم .

- بالنسية لاعداد الخبيزات نضع في ألة الرحي الكهربائية Hachoir نصف صدر دجاج مقطع لأطراف مع نصف حبة بصل مع حبة بطاطا مغلية مع القليل من المعدنوس المقطع مع فلفل أسود مع القليل من توابل الدجاج و الملح 

- نحكم ملعقة كبيرة من خليط الخبيزات و نضعها في صحن لاشابلور ثم نرمدها باليد و نشكلها على شكل خبيزة صغيرة , و نواصل بنفس الطريقة مع الكمية المتبقية .

- نديرو المقلة تسخن و على نار هادئة نقليهم في الزيت 

- نضع الجلبانة في صحن التقديم و نزينها بالخبيزات على الأطراف .

شهيتكم طيبة