بيتزا روايال بطريقة مختلفة و جديدة 😍و حشو بنين و معسل😋

مواضيع مفضلة

7‏/3‏/2022

بيتزا روايال بطريقة مختلفة و جديدة 😍و حشو بنين و معسل😋

اليكم طريقة تحضير بيتزا روايال بطريقة مختلفة و جديدة بطريقة سهلة و بالتفصيل مقدمة من أم وليد.

المقادير

العجينة :
- كأس حليب دافيء.
- ربع كأس زيت
- بيضة واحدة
- ملعقة كبيرة سكر
- ملعقة كبيرة خميرة الخبز
- ملح

الحشو : (اختياري)
- صلصة الطماطم
- لحم مفروم طايب مع حبة بصل و ثوم و الفلفل الأسود و الملح
- جبن مبشور
- صوص maison حارة 

التزيين :
- حبات زيتون

طريقة التحضير 

نخلط كأس حليب دافئ + ربع كأس زيت+ بيضة + مغرف كبيرة كل من سكر و خميرة الخبز نخلط و نزيد الملح و نخلط كل شيئ

نبدا نزيد الفرينة حتى نتحصل على عجينة طرية مبعد ندلكها شوية حوالي 3د اذا لقيتيها تتلصق بزاف زيدي رشة فرينة مبعد نغطيها و نخليها تخمر مابين 30 الى 45 د


نقسمها الى 4 اجزاء يكونوا زوج كبار و زوج صغار نكورهم و نغطيهم نخليهم يرتاحو 5د 

مبعد نرش طاولة العمل بالفرينة و نحل الخبزة كبيرة بالحلال بشكل دائري مبعد نحطها فوق سنيوة فيها ورق الطهي مبعد نحل الخبزة الصغيرة بنفس الطريقة و نشكل بالجرارة 8 خطوط متقاطعة في الوسط و نحطها فوق الخبزة الاولى و نضغط مليح على الجوانب.




نجبد المثلثات نفتحهم خارج الخبزة و ندهن وسط الخبزة بصوص طماطم نزيد لحم مفروم طايب و جبن مبشور و صوص منزلية و الحشو يبقى اختياري

مبعد نحكم المثلثات و نعيدهم الى مكانهم ونلصق كل مثلث مع الاخر مبعد نشكل الخبزتين المتبقيتين بنفس الطريقة و ندهن العجينة ببيضة و نزيد نرشهم بالجلجلان و نزيد جبن مبشور و زيتون و نخليهم يرتاححو 15 د مبعد ندخلهم الفرن سخون على درجة 190 الى 200

كي يطيبو و يتحمرو نخرجهم


شهية طيبة

إرسال تعليق

المشاركة على واتساب متوفرة فقط في الهواتف