مملحات فارغين من الداخل بعجينة خفيفة و فيها هشاشة بلا خميرة

اليكم طريقة تحضير مملحات فارغين من الداخل بعجينة خفيفة و فيها هشاشة بلا خميرة مقدمة من أم وليد .

المقادير

3 كؤوس فرينة

1 ملعقة صغيرة مملوءة جيدا زبدة

1 ملعقة صغيرة سكر عادي

1 ملعقة صغيرة خل

ملح

ماء

الحشو :

زيت

بصلة

1/4 صدر دجاج

فلفل اسود

ملح

معدنوس

جبن مبشور

طريقة التحضير

في اناء نضع الفرينة،السكر، الخل و نخلطهم جيدا مع بعض ثم نضيف الزبدة و نبسسها جيدا في الفرينة؛

نضيف لها الماء تدريجيا حتى نتحصل على عجينة ، ندلكها لمدة من 2 الى 3 دقائق ثم نضعها في كيس بلاستيكي و نتركها ترتاح لمدة 10 دقائق؛

نقسمها الى قسمين نشكلهم على شكل كريتين و ندهنهم بالزيت و نضعهم في سنية و نغطيهم بكيس بلاستيكي و نتركهم يرتاحوا لمدة 10 دقائق؛

نحضر الحشو حيث نضع الزيت يسخن ثم نضيف له بصلة مقطعة رقيق ونقليها جيدا ، نضيف الدجاج يكون مقطع قطع صغيرة و نقليه مع البصل .نضيف فلفل اسود،ملح،معدنوس و نخلطهم حتى يطيب ثم نضيف جبن مبشور و نطفىء؛

ناخذ كرة واحدة و نفتحها على شكل دائرة كبيرة باستخدام الزيت ثم ندهنها بالزبدة الذائبة و نطويها على ثلاث و ندهنها في الوسط و نطويها على ثلاث ايضا حتى نتحصل على مستطيل نرجعها للسنية و نتركها ترتاح لمدة 10 دقائق؛

نفتحها باستخدام الزيت حتى نتحصل على مربع كبير و رقيق و نقسمها الى 9 مربعات و نضع الحشو في كل مربع و نغلقه على 2 و نسويه بالشوكة ؛

و نضعها في السنية ثم ندهنها ببياض البيض مع الخل و ندخلها الى فرن على 190 درجة؛

بالصحة و الهنا