اروع خشخاش ، مورق و مقرمش و جد اقتصادي

اليكم اروع خشخاش ، مورق و مقرمش و جد اقتصادي مقدم من أم وليد .

المقادير

2 كأس فرينة
1/2 كأس زيت
ماء
ماء الزهر
نشاء

ملح

طريقة التحضير

نخلط جيدا الفرينة مع الملح و الزيت، ثم نجمع الخليط بالماء مخلوط بماء الزهر حتى نتحصل على عجينة متماسكة، ثم ندلكها دقيقتين على الاقل، ثم نضعها في كيس بلاستيكي و نتركها ترتاح ساعة على الاقل



نرش طاولة العمل و العجينة بالنشاء و نفتحها رقيقة، ثم نضع طبقة من النشاء و نطوي العجينة من الاعلى و الاسفل الى الوسط ثم من اليمين و اليسار الى الوسط، ثم نضعها في الكيس و نتركها ترتاح 15 دقيقة على الاقل



نرش طاولة العمل و العجينة بالنشاء و نفتحها رقيق مرة اخرى، ثم ننزع الاطراف و نقسم العجينة مستطيلات طويلة، ثم نضع ثلث المستطيل في زيت ساخن و نرمي عليه الزيت بالملعقة حتى يتنفخ



ثم نطوي الثلث الثاني و نرمي عليه الزيت ثم الثالث بنفس الخطوات حتى يتنفخوا، ثم نقلبهم حتى يحمروا من كل الجوانب، بعد ما يبردوا و وقت التقديم نعسلهم بعسيلة دافئة ثم نضعهم في كسكاس يقطروا

بالصحة و الهنا