مقروط الطويسات ، وصفة ناجحة مليار في مئة 👍، مرمل و معسل😋 و يذوب ذوبان😍

اليكم وصفة الحلويات مقروط الطويسات وصفة ناجحة مليار في المائة ، مرمل و معسل و يذوب ذوبان مقدمة من أم وليد .

المقادير

مقادير الحشو:
3 كيلة كوكاو
1/2 كيلة سكر
1 م ص فانيليا

مقادير العجينة:
250غ مارغرين
2 بيض
2 م ك سكر غلاص
1 خميرة كيميائية
فرينة
سميد متوسط

طريقة التحضير

نخلط الكوكاو (محمص قليلا و مطحون) مع السكر و الفانيليا، ثم نضيف ماء الزهر (تدريجيا) و نخلط و نعجن حتى يذوب السكر، ثم نشكله كرات (10 الى 15غ) ثم نغطيهم



نخلط جيدا المارغرين مع البيض، السكر غلاص و الفانيليا، ثم نضيف كأس سميد و الخميرة الكيميائية و نخلط، ثم نضيف بالتناوب مرة كأس فرينة و مرة كأس سميد و نخلط حتى نتحصل على عجينة طرية



نأخذ كمية من العجينة و نحشيها بالحشو و نشكلها كرة ثم نضعها في القالب و ننقشها بالنقاش مرة افقيا و مرة عموديا، ثم ندخلهم للفرن على 180 درجة حتى يأخذوا لون ذهبي فاتح



نخلط العسيلة مع ماء الزهر، و بعد ما يبرد المقروط قليلا فقط نضعه في العسيلة و نتركه حوالي 3 دقائق ثم نضعه في الكسكاس لكي يقطر، ثم نضعهم في لي كيسات و نضيف لهم ملعقة صغيرة عسيلة

بالصحة و الهنا