شكتشوكة الصيف ، البنة في البساطة ، شحال بنينة جربوها

اليكم طريقة تحضير شكتشوكة الصيف ، البنة في البساطة ، شحال بنينة جربوها مقدمة من أم وليد .

المقادير

2 حبات بطاطا، 1 حبة بادنجان، 1 جبة فلفل اخضر حلو، 1 حبة فلفل اخضر حار، 

1 حبة طماطم متوسطة الحجم،زيت، ملح، فلفل اسود، 1/2 ملعقة صغيرة كمون،

1/2 ملعقة صغيرة قصبر مطحون، 2 فصوص ثوم ، 1 ملعقة صغيرة خل، فرينة؛

طريقة التحضير

نقشر البطاطا و نقطعها الى مربعات صغيرة و نضيف لها الملح و نخلطها ثم نضعها في زيت ساخنة حتى تتقلى ننزعها و نضعها على جنب؛

نقشر البادنجان و نقطعه الى قطع ثم نضعه في الفرينة و نرمده ؛

نضعه في زيت ساخنة حتى يتقلى ننزعه و نضعه على جنب ؛

نقطع الفلفل الاخضر الحلو و الحار الى قطع و نضعه في الزيت الساخنة ايضا لكي يتقلى ننزعه و نضعه على جنب؛

في مقلاة نضع قليل من الزيت تسخن نضع فيها حبات الثوم و نتركه يتقلى ثم نضيف له الطماطم بعد ما نقشرها و نقطعها الى مربعات صغيرة، فلفل اسود، قصبر مطحون، كمون، ملح و نخلطهم مع بعض حتى تطيب الطماطم؛

نضيف الخل ، البطاطا المقلية، البادنجان المقلى و نخلطهم مع بعض؛

نضعها في صحن التقديم و نزينها بالفلفل الاخضر الحلو و الحار بعد ما نقشرهم و نضع لهم كمية قليلة من الملح؛

بالصحة و الهنا