اليكم طريقة تحضير حلوة البليغة او البابوش معسلة و تذوب في الفم ذوبان مقدمة من أم وليد .
المقادير
2كؤوس فرينة
1 كاس جنجلان
1 ملعقة صغيرة حبة حلاوة مطحونة
1 ملعقة صغيرة خميرة كيماوية(5غ)
رشة قرفة
فاني
رشة ملح
1/2 كاس زبدة ذائبة
صفار بيضة
ماء
عسل
طريقة التحضير
في اناء نضع الفرينة،الجنجلان،حبة الحلاوة مطحونة،رشة قرفة،فاني ، خميرة كيماوية و نخلطهم مع بعض حتى يندامجوا ، نضيف رشة ملح،الزبدة الذائبة و نبسسها جيدا؛
ثم نضيف صفار البيضة و نخلط ، نضيف الماء تدريجيا حتى تتلم العجينة و نتحصل على عجينة متماسكة نقدر نشكلها نضعها في كيس بلاستيكي و نتركها ترتاح لمدة 15 دقيقة؛
نضعها فوق مكان العمل و نفتحها بالحلال بعد ما نرشها بالفرينة تكون رقيقة قليلا ننزع الحواف،ناخذ ورقة على شكل شريط او مسطرة و نضعها فوقها و نقطعها على شكل طولي ثم نضعها بالعرض و نقطع فنتحصل على مربعات متساوية؛
و نضعها في زيت تكون ساخنة حتى تتقلى و نقلبها حتى تطيب و تاخذ اللون الاحمر ننزعها ؛
و مباشرة نضعها في العسل يكون بارد ثم ننزعهم و نقطرهم و نضعهم في صحن التقديم؛
بالصحة و الهنا
إرسال تعليق