سندويتشات قمة في البنة😍 بخبز جهزيه في الدار بدون اختمار👌 و طريقة بسيطة😉

اليكم طريقة تحضير سندويتشات قمة في البنة بخبز جهزيه في الدار بدون اختمار و طريقة بسيطة مقدمة من أم وليد.

المقادير

الخبز: 

2 كاس فرينة

1 ملعقة صغيرة خميرة كيماوية

قرصة ملح

1 ملعقة صغيرة سكر عادي

1/4 كاس زيت

ماء دافىء مايل للسخون

الحشو: 

بيض

جبن شرائح

باتي جبن

طريقة التحضير

في اناء نضع الفرينة، خميرة كيماوية،ملح،سكر عادي و نخلطهم مع بعض ثم نضيف الزيت و نبسس العجين ، نضيف الماء تدريجيا حتى نتحصل على عجينة تتلسق نضعها في مكان العمل و ندلكها لمدة 3 دقائق حتى تصبح طرية ثم نضعها في كيس بلاستيكي و نتركها ترتاح لمدة 10 دقائق؛



نقطعها الى 6 كريات و نغطيهم بكيس بلاسيكي و نتركهم يرتاحوا لمدة 10 دقائق؛



ناخذ كرة و نفتحها تكون رقيقة و ناخذ صحن حجم المقلاة و نقطعها بنفس حجم الصحن؛



نضعها في المقلاة تطيب و لما تشكل فقعات نقلبها على الجهة الثانية ثم ننزعها و نضعها في منشفة و نضعها في كيس بلاستيكي حتى وقت تحضير السندويشات؛



ناخذ بيضة نضيف لها الفلفل الاسود و الملح و نخلطهم جيدا ثم نسكبها في المقلاة بعد ما نكون دهنتها بالزبدة ثم نضع فوقها الخبزة (على نار قليلة)؛



لما نحس ان البيض طاب ندهن الخبزة بالزبدة ونقلبها على الجهة الثانية و نضع في وسطها الجبن شرائح و باتي جبن و نغطيها بالنصف و نتركه يتحمر



بالصحة و الهنا